Anekdotoj de l'tuta mond'
La plej bonaj anekdotoj de la pasinta semajno
el la dissendo "Anekdotoj en Esperanto"
ne estas lundo! tradicie - freŝaj anekdotoj!
N 039
(majo'2003)
1
Grupo de gemaljunuloj kunsidas en maljunulejo, babilante pri siaj ĝenaĵoj kaj doloroj.
- La brakoj estas tiom malfortaj ke mi apenaŭ povas levi ĉi tiun tason
da kafo, - iu diris.
- Mi komprenas tion kion vi diras. Miaj kataraktoj estas tiom severaj ke mi
eĉ ne povas vidi mian kafon, - aliulo respondis.
- Mi ne povas turni la kapon pro la artrito en la kolo, - diris tria persono.
- Miaj kontraŭ-sangopremaj piloloj faras min kapturniĝema, - alia
kunsidanto kontribuis.
- Mi supozas ke tio estas la pagendaĵo de nia maljuniĝo, - diris
ekkuntiriĝa maljunulo.
Mallonga momento de silento okazis.
- Danke al Dio ke ni ĉiuj ankoraŭ povas veturigi, - gaje diris virino.
rakontis Alan MENDELAWITZ (Aŭstralio)
2
Kruko plendas pri sia edzino:
- Ho, ŝi daŭre promesadas aferojn kiujn ŝi tamen ne faras.
Baniko respondas:
- Ankaŭ la mia. Ekzemple, antaŭ nia geedziĝo ŝi promesis, ke ŝi mortus por mi -- sed ŝi ne faris!
rakontis Rikardo CASH (Francio)
3
Turistoj trafis en manojn de tribo de kanibaloj. La tribestro diras:
- Kiu rakontos freŝan anekdoton - tiun ni liberigos. Mi avertas: la
dissendon "Esperanto-anekdotoj" ni JES abonas!
rakontis Grigorij L. AROSEV (Rusio)
