Anekdotoj de l'tuta mond'

La plej bonaj anekdotoj de la pasinta semajno
el la dissendo "Anekdotoj en Esperanto"

estas lundo! tradicie - freŝaj anekdotoj!
N 040
EBLE LA LASTA?

(junio'2003)

Du amikinoj renkontiĝas:
- Aline, kiel bela bluzo estas uzata de vi!
- Ĉu vi ŝatis? Farita per speciala lano de ok ŝafoj.
- Dio! Ĝi estas tre moderna, mi eĉ ne sciis, ke oni instruas ŝafojn kudri!!!

rakontis Luiz PORTELLA (Brazilo)

Kruko:
- Mia edzino provis novan koto-terapion por plibeliĝi.
Baniko:
- Kaj ĉu tio vere plibeligis ŝin?
Kruko:
- Jes. Tio tiom plibeligis ŝin ke ŝi ankoraŭ ne forprenis la koton!

rakontis Rikardo CASH (Francio)

Erari estas homa afero, sed ion sufiĉe bone malfunkciigi, malbonigi, por tio jam estas bezonata komputilo.

rakontis Andrea OTTROK (Hungario)

- Kruko, via pulovro estas belega! Ĉu vi scias, ke por produkti ĝin necesas du ŝafoj.
- Ĉu? Sed mia edzino sukcesis sola!

rakontis Valentin MELNIKOV (Rusio)

Blanka pastro pastras afrikan tribon. Kompreneble, li estas blankulo, dum ĉiuj aliaj en la vilaĝo estas nigruloj. Post ĉirkaŭ unu jaro naskiĝas en la tribo blanka bebeto. La vilaĝanoj komencas grumbli, delegacio iras al la tribestro por juĝi la veron.
- Bone, iru ĉiuj hejmen, - diras la tribestro. - Mi solvos la problemon.
Li vokas la pastron kaj rakontas al li la problemon de la vilaĝanoj.
- Hmmm... - diras la pastro. - Ni iru ekster la tendon.
Tie paŝtas sin grego da ŝafoj. Preskaŭ ĉiuj blankaj, unu nigra.
- Jen, - li montras al la tribestro. - Dio estas granda. En la naturo povas okazi mirakloj.
- Bone, mi komprenas, - diras la tribestro. - Vi ne parolas pri la ŝafo, mi ne parolas pri la bebo.

rakontis Adrian BOLDAN (Kanado)

Se multaj deziras seksumi kun vi, tio tute ne signifas, ke vi estas dezirata. Tio signifas nur ke multaj homoj havas koncernan deziron.

rakontis Grigorij L. AROSEV (Rusio)

Dum 40 semajnoj por vi ŝvite plugis la klavaron Konstanten K. KRYSAKOV (a@abonu.com ) Arkivo de la dissendo; Nepre vizitu: http://kosorylovka.fromru.com

"Anekdotoj de l'tuta mond'" provizore ĉesas, tamen restas dissendolisto "Esperanto-anekdotoj". Por legi anekdotojn, aliĝu: esperanto-anekdotoj-subscribe@yahoogroups.com.