Anekdotoj de l'tuta mond'
La plej bonaj anekdotoj de la pasinta... monato!
El la dissendo "Anekdotoj en Esperanto"
estas lundo! ni rememoru tradicion: freŝaj anekdotoj!
N 041
PROVU NI DENOVE!!!
(septembro'2003)
1
- Kie do ni rendevuu, karulino? - demandas Kruko.
- Kie vi volas, miulo, - respondas Lia.
- Bone, kaj kiam?
- Kiam vi deziras, karuĉjo.
- Bone, karinjo - sed venu ĝustatempe!
rakontis Rikardo CASH (Francio)
2
Kruko elprenas sian poshtelefonon kaj klavumas numeron.
- Halo', - li vokas, - ĉu tie estas la firmao Grandul & K-io? Vi anoncis
antaŭ dek kvar tagoj ke vi bezonas komizon. Kion? Vi jam havas komizon?! Mi
tre bedaŭras tion. Kaj ĉu li kontentigas vin? Jes? Do vi ne volas ŝanĝi
kaj dungi novan komizon? Domaĝe. Do, pardonu ke mi demandis vin. Ĝis
reaŭdo!
Baniko aŭdis la konversacion.
- Nu, - li diras, - ĉi-foje vi bedaŭrinde ne sukcesis.
- Ho, tamen jes! - triumfas Kruko. - Estas ja mi la komizo de la firmao
Grandul & K-io - kaj mi nur volis aŭdi, kiel oni pritaksas min!
rakontis Rikardo CASH (Francio)
3
En kabaneton, kiu staras ĉe monto-malsupro, venas plorantaj geedzoj kaj
diras al sidanta tie viro:
- Hieraŭ nia filo iris en la montaron skii, kaj ĝis nun ne revenis!
- Ne ploru. Kiel nomiĝas via filo? - diris la viro.
- Andrej Petrov!
La viro kapjesis kaj kriis:
- Google, venu al mi!
El la korto enkuras grandega hundo. La viro diras:
- Andrej Petrov, ĉu vi komprenis? Serĉu!
Post kelka tempo Google revenas kaj diras:
- Via peto ne donis rezultojn. Mi trovis 345235 Andrej-ojn kaj 245098
Petrov-ojn. Ĉu eble mi serĉu en la valo?
rakontis Grigorij AROSEV (Rusio)
4
Anonco en tagĵurnalo: "Hieraŭ vespere s-ro Kruko de Bervalo ekbruligis alumeton por kontroli, ĉu li ankoraŭ havas benzinon en sia benzinujo. Benzino enestis. La enterigo okazos sabate je la 10a horo."
rakontis Rikardo CASH (Francio)
5
- Sinjoro Ivanov, kial vi venis al la laborejo, ja hodiaŭ okazas entombigo
de via bopatrino!
- Kara direktoro, laboro - unue, amuziĝoj - poste.
rakontis Grigorij AROSEV (Rusio)
6
Oldulino iras laŭ la strato kaj vidas, ke tri viroj pugnobatas iun maldikan
junulon. Ŝi krias:
- Kanajloj, kion vi faraĉas! Tri kontraŭ unu!
- Iru for, oldulino, - respondas la batantoj, - ni kaptis la spam-sendanton!
- Damne! Ne batu lin per pugnoj! Nur per piedoj - tiel estos pli efike!
rakontis Grigorij L. AROSEV (Rusio)
7
Sinjoro Baniko vespere trarigardas sian monujon:
- Karulino, ĉu vi ne scias, kio okazis: mi memoras, ke hodiaŭ matene
ĉi tie estis 2 pecoj da dekmil forintaj monbiletoj, kaj nun mi trovas
nur unu el ili?
- Ho, kara, tio okazis, ke mi rimarkis nur unu el ili!
rakontis Veronika ACSÁDI (Hungario)
8
- Ĉu vi scias, per kio malforta viro diferenciĝas de la forta?
- Per kio?
- Malforta viro falas per vizaĝo en salaton.
- Sed la forta?
- Sed la forta - en deserton!
rakontis Georgij KOKOLIJA (Rusio)
