Por direktado de via abono en Abonu.com pere de retinterfaco necesas ke via retumilo akceptu kaj konservu specialajn informojn, transdonatan de la servilo. Ili nomiĝas kuketoj - cookies.

Kuketoj estas konservataj kiel dosieroj en via komputilo, en kiu estas registrataj helpaj informoj de retejoj, kiujn vi vizitis en la Reto. Ordinare tio estas farata por memorfiksi kaj plifaciligi la ontajn sinturnojn al la retejo, sendinta kuketon.

Vi povas agordi variantojn de akceptado de kuketoj kiel "akceptu", "akceptu nur gvidantajn reen al la sama retejo" kaj "ne akceptu", ŝanĝante agordojn de via retumilo. Estas rekomendata la dua varianto - ĝi garantios pli grandan sekurecon kompare kun la unua kaj permesos uzi avantaĝojn de kuketoj, kompare kun la tria.

Kiel agordi akceptadon de kuketoj en Netscape Navigator

Lanĉu retumilon Netscape. En la menuo trovu Edit - Preferences. Malfermiĝos nova fenestreto. Elektu faldon Advanced, trovu parton, kiu estas subskribita Cookies, kaj metu punkton en la meza rondeto (apud ĝi estas skribite Accept only cookies that get sent back to the originating server).

Kiel agordi akceptadon de kuketoj en Internet Explorer

Eniru en Mia-n Komputilo-n - Kontrolpanelo (Control Panel). Trovu signeton Opcioj de retumilo (Internet Options) kaj klaku ĝin. Malfermiĝos fenestreto de agordoj. Elektu faldon Sekureco (Security) kaj premu butonon Alia... (Custom Level) En la aperinta nova fenestro trovu (tirante anson de paĝfoliumilo malsupren) parton, nomatan "Dosieroj de Kuketoj" (Cookies). En ambaŭ sekcioj de tiu ĉi parto elektu "Permesu" (Enable cookies)

Mi faris ĉion, kiel estas priskribite, sed la problemo tutegale restis.

Povas esti, ĉe vi, aŭ ĉe via retprovizanto estas instalita kontraŭvirusa programo, kiu laŭvoje "fortranĉas" flagetojn kaj kuketojn. Ve, en tiu kazo vi havas ne tiom multe da variantoj:

• Provi konvinki retprovizanton, ke li ne pravas, ĉar vi pagas al li monon kaj ne petis fortranĉi kuketojn
• Ŝanĝi retprovizanton, kiun vi ne sukcesis konvinki pri tio, ke la kliento ĉiam pravas
• Transiri al la direktado de abono per retpoŝto